出爐華鼎獎視帝林峯前晚漏夜返港，昨晨約10時已於將軍澳拍新劇《使徒行者》節目巡禮，劇組出動吊臂拍翻車及槍戰等場面，只小睡數小時的林峯未見疲態，拍爆破戲也應付自如。劇中飾演臥底的他笑言未及「Laughing哥」謝天華Chok：「佢Anytime、連瞓覺都Chok。（你都係？）我唔係，瞓覺Chok會『厲』頸。」對於梁家輝因傷未能拍此劇，林峯大感可惜：「佢係我非常鍾意嘅前輩，希望將來有機會合作。」問會否慶祝奪視帝？他說：「有時間就慶祝。（同女友吳千語食飯慶祝？）平時都要食飯。（佢即刻恭喜你？）梗係有！」

林峯與千語於新片各自揸「兩個轆」。

吳千語

攞完獎零舍醒神的林峯，與林秀怡拍槍戰戲仍精神奕奕。

林峯、林秀怡

另外，林峯與千語情侶檔合演的電影《詭嬰》中，他因沒有駕駛執照，未能親自上陣拍攝駕電單車場面，又自爆早年拍劇時曾因頭盔尺碼不合而傷及頸部舊患，令他對頭盔有陰影。