吳若希擇偶要識玩「波子」

歌手吳若希（Jinny）與胡鴻鈞（Hubert）昨日出席電台訪問時不停互寸，當Jinny被問到擇偶條件時，Hubert即搶答：「有錢、金融才俊同揸波子就啱佢喇！」Jinny聞言即反擊：「夠『3D』先啱你呀！我唔要求對方揸波子，陪我玩波子就得o架喇！同埋最緊要係錫我同小動物。試過有人追我，因為對方唔鍾意小動物而冇發展落去。」而Hubert又自爆拍拖經歷：「以前拍拖試過儲幾個月錢去高級餐廳，點知又貴又唔好食！」他又表示暫時以事業為重，短期內不會拍拖。