那邊廂林峯主力吸金及「湊BB」，對爭台慶視帝「放軟手腳」，憑台慶劇《On Call 36小時Ⅱ》成視帝熱門人選的馬國明，昨日為《On》劇拍宣傳片時笑說：「邊有得攞，有得爭已經開心。（改善舊年個經典O嘴表情？）一定會訓練吓個表情。」他又透露近期忙拍處男電影。

馬國明為即將出籠的《On》劇拍宣傳片。

陳豪昨日拍節目巡禮，要孭住胡杏兒小跑。

另一視帝大熱陳豪，昨日開工時談到前晚於亮燈儀式上被鄭裕玲追問太太陳茵媺腹中BB性別，他笑言不會尷尬：「慣咗，知道係關心我，不過都係遲啲先啦！（預產期？）都係遲啲先。（休息陪老婆入產房？）我都想休息，但多嘢做。」