甄子丹早前偕鄭中基代表新片《特殊身份》接受有線節目訪問,子丹坦言電影監製不易做:「依家興合拍片,作為電影監製,希望香港時裝動作片嘅元素可以迎合到內地市場,但礙於兩地觀眾文化差異同相關部門對題材寬容度唔同,要喺兩方面搵平衡點都幾困難,惟有逐一解決。」對於飾演其上司的鄭中基,子丹說:「成日都想搞部動作喜劇畀佢,今次我同佢都有好多鬥嘴場口、好多火花。」鄭中基則表示欣賞子丹拍攝時認真的態度,兩位「愛妻號」又指最難忘在化糞池拍戲:「最慘現場接收唔到訊號,冇得打電話返屋企報到。」

鄭中基(左)和甄子丹接受訪問時,大談拍攝新片的感受,同是「愛妻號」的兩人,更惺惺相惜。