日本女星田中麗奈去年與行埋兩年的佐藤祐基甩拖，近日她被揭發已覓得新歡並過着半同居生活，對象是女星尾野真千子的舊愛高橋一生。新一期《Friday》雜誌拍得二人約會實況，指麗奈駕吉普車返回香閨接高橋，結伴幫襯鄰近咖啡廳，其後再在放工時間公然拖手走過車站，到藥房選購沐浴露等，兩人不時交換帽戴，又共享一罐飲品，十分Sweet！

據知，同樣於1980年出生的麗奈與高橋，早在十多年前已經合作，踏入今年更是先後合演舞台劇和劇集，促使關係突飛猛進，加上他們被指同樣經歷過臨結婚才甩拖的痛楚，因而獲網友睇好有望拉埋天窗。