Canon女兼混血女模Melanie Z.身材高挑苗條，除了每天做一小時瑜伽及帶愛犬散步兩小時外，亦十分注重飲食，故瘦得十分健康。她說：「我係食素，但為咗遷就家人，所以會食魚，其他肉就一概唔食。我覺得一定要食齊早午晚三餐，如果你為咗減肥而唔食其中一餐，到下一餐嘅時候，你會不自覺咁食多咗，而且身體會自動幫你儲起脂肪，因為怕下一餐又冇得食，會變成反效果，所以寧願少食多餐，都唔好食少餐減肥。」Melanie認為早餐最重要，她會吃水果及自製麵包：「我唔係用一般白面粉，而係用全麥麵粉，再加入提子乾、紅莓乾、亞麻籽、杏仁等乾果，有益健康。」由於食素的關係，Melanie平日會親自下廚，並以少糖少鹽少油為原則。

Melanie注重飲食，身材均勻，瘦得健康。