貴為潮店老闆的古巨基日前到廣州為樓盤開幕禮擔任剪綵嘉賓，順便視察場地，為北上擴展其「潮流王國」做定資料搜集。「巨」星駕到即被不少狂蜂浪蝶「圍攻」，基仔笑言對女仔埋身無任歡迎！

基仔靚聲獻唱，粉絲實冧爆！

被大批粉絲「集郵」的基仔有求必應。

基仔為廣州樓盤開幕禮剪綵，並打手印留念。

英皇一哥古巨基日前以七位數「天價」擔任廣州樓盤開幕的剪綵嘉賓，一身黑白型Look的基仔即場高歌一曲，冧得台下女粉絲暈得一陣陣。地產商給予基仔巨星級待遇，除了安排他打手印留念外，又邀請他在年底落成的商場開潮店，問到基仔可有意在內地發展其潮流王國？他說：「如果係都好喎！廣州都幾近，可以方便睇住盤生意，不過睇吓地產商畀幾多折我啦！」

變人肉布景板

活動完結後，現場粉絲仍久久不肯散去，連工作人員都「基」不可失，紛紛捉住基仔「集郵」，他更被粉絲主動攬住而動彈不得，問到可有被抽水？基仔即發揮搞笑本色說：「咁又冇，只係熱情嘅表現，不過男仔嚟就話驚啫，女仔冇有怕！」

另外，基仔老友鄭伊健昨日46歲生日，基仔在微博上載一張與壽星仔的合照，並留言：「兄弟，生日健康，身體快樂！」令人哭笑不得。而伊健昨日在微博多謝好友祝福，老婆蒙嘉慧亦有轉發。