前港姐翁嘉穗前晚出席Adler 30周年慶典晚宴，大會同時邀請賭王何鴻燊三太陳婉珍及女兒何超雲出席，但最後超雲沒有現身，而三太亦不接受傳媒訪問。獨自赴會的前港姐翁嘉穗穿上一襲火紅色晚裝裙，明艷照人！她透露近日忙於跟老公鄔友正四圍飛，大部分時間不在香港，那兒子由誰照顧？她笑說：「佢都大個啦！十幾歲讀中二喇！佢依家仲高過我呀！（之前你話想追個女？）係呀！我不嬲都鍾意女，早幾年冇咁心急，但呢排就真係計劃，自己都有調理身體。（好多女星過咗40歲都生BB？）我其實未夠40歲o架！（有冇問過仔仔意見？）佢細細個就想有個細佬妹，買玩具會買多份話畀細佬妹o架！所以佢應該OK，老公都想！」她又謂近日為兒子轉了國際學校，因有感本地學校壓力較大，希望兒子能輕鬆一點。

穿上火紅晚裝裙的翁嘉穗透露，現已計劃再生BB。

三太陳婉珍前晚出席晚宴時沒有接受訪問。