佘詩曼、湯盈盈、周家蔚、姚樂怡、梁靖琪、文頌嫻和鍾麗淇前晚錄影節目，竟齊齊認「獎門人」曾志偉做老竇，令他哭笑不得，更封她們為「七妖女」！阿佘BB還不時擺出嬌俏甫士賣萌，玩得十分投入！

一眾女藝人以BB打扮錄影《超級無敵獎門人》，難怪嚇到志偉大叫「妖女」！

志偉玩遊戲時掀起梁烈唯上衣，非常搞笑！

洪天明和老婆周家蔚玩遊戲狂咀，認真煙韌！

佘詩曼、湯盈盈、周家蔚、姚樂怡、梁靖琪、文頌嫻和鍾麗淇前晚以BB打扮，為萬聖節主題的《超級無敵獎門人終極篇》錄影，其他嘉賓有「飛虎」馬德鐘、羅仲謙、梁烈唯和袁偉豪等。7個「BB」出場時衝向「獎門人」曾志偉，認他做老竇：「我哋7個都係姓曾o架！都係同一個『高佬』」老竇！」志偉於是取笑她們是「七妖女」！

志偉胸襲大隻謙

不斷啜奶嘴賣萌的阿佘與馬德鐘玩辣辣壽司時，提議用舌頭來猜枚，阿佘最終玩輸接受懲罰，才吃了半件辣辣壽司便向金剛「放電」求救，金剛竟然不賣帳：「冇用o架，我已經有女朋友！」到玩啜乒乓波遊戲時，眾「妖女」十分狼死，梁靖琪和姚樂怡先後與羅仲謙「咀嘴」，但最激的要數洪天明與周家蔚兩夫婦，兩人除了咀不停外，天明搶得乒乓波吞入口中後，竟又將波吐出傳給老婆，家蔚亦有樣學樣吞入口，令人眼冤！

另外，志偉又先後向「飛釘」的羅仲謙及梁烈唯「胸襲」。至於拍爆炸戲受傷的馬德鐘指可能要改拍另一部內地劇，難免有損失，問到老婆會否不准他再拍無綫劇？他說：「唔好針對去邊度拍，希望下次可以拍啲輕鬆啲嘅劇！」