劉嘉玲於巴黎時間10月1日出席Valentino 2014春夏騷，以中門大開性感造型現身，她表示來巴黎睇騷之餘順道充電，不過老公梁朝偉沒有同行。談及偉仔憑電影《一代宗師》再角逐金馬影帝，她坦言並不知情，但對老公信心十足：「百分之九十都會得獎！（巴黎係浪漫之都，冇偉仔同行感到可惜？）唔會，佢冇乜興趣，而我又鍾意時裝，當地我有好多朋友。」雖然她經營時裝生意，但卻沒想過當設計師：「我唔會定死自己做乜生意，總之嚟到有興趣咪做。（向女企業家發展？）冇Set定做生意定拍戲，唔同生意接觸唔同人都對演技有幫助。（有新戲？）睇緊劇本。」

劉嘉玲盛裝出席巴黎時裝周，對老公再角逐金馬影帝信心十足。（攝：吳文聰巴黎傳真）

杜如風與紙板「偉仔」拉埋天窗，認真搞笑！（攝：吳文聰巴黎傳真）

「偉仔」遭強搶

另外，梁朝偉的死硬派Fans杜如風（Helen），早前到不丹為now拍攝新旅遊節目，當年梁朝偉與嘉玲在不丹舉行婚禮，Helen是次竟帶同印有偶像肖像的紙板公仔，強行與「梁朝偉」結婚，拍攝「婚照」時，背後更有一大班喇嘛做背景，認真搞笑。

（攝：吳文聰巴黎傳真）