嚟到時裝之都巴黎，徐濠縈除了欣賞時裝騷，梗要大手掃貨。
陳奕迅（Eason）太太徐濠縈於上月25日赴巴黎掃衫入貨，並於當地時間30日出席Sacai 2014春夏時裝騷，將會趕回港為女兒舉行生日會的她說：「我Keep住遙控籌備阿女生日會，呢度童裝好靚，買咗好多衫同鞋畀佢，我以女為先！」她透露Eason在澳洲忙於舉行演唱會，但會出席女兒生日會。問到會否追多個？她說：「我唔肯同Eason生呢！唔使佢佗同生，佢實想。（唔想阿女多個伴？）都想，如果佗十個月變一個月，我就即生！時間愈緊迫（指年齡）都會趕快。」她出席另一時裝騷時，在微博上載與Katy Perry的合照，並留言：「合照是為了女兒，她很喜歡她（Katy）的歌曲，這是媽媽給女兒的生日禮物其中的一份。」
高圓圓
高圓圓和桂綸鎂悉心打扮，各具美態。
此外，模特兒陳君宜出席Roger Vivier回顧展酒會，她透露今次巴黎之旅驚險重重，先在咖啡店遺失手機，繼而險被人闖入酒店房：「有人擰我道門，同房朋友即刻搵嘢頂實，但對方明知有人都唔走，隔門對峙成15分鐘，我哋兩個女仔真係勁驚！」事後她向酒店投訴，但覺得酒店職員大話連篇，疑似串通。同場的台灣女星桂綸鎂與名模Ines de la Fressange則雞啄唔斷。
