無綫戲劇總監梁家樹昨日受訪時，證實梁家輝因傷肋骨而辭演：「我都有探佢，傷肋骨要自行復原，辭演的確可惜，但都冇辦法，健康緊要！（擔心要另覓人選？）唔擔心，依家要再傾劇本同人選。」至於負責斟家輝返無綫拍劇的曾志偉，前晚錄影《獎門人》時，談到家輝未能演出，他說：「我只負責聯絡，如果真有其事會跟進，家輝講過明年要做兩件事，分別係演一齣舞台劇同一部電視劇。」而家輝是次受傷，未知跟早前陳慧琳拍電影時傷腰骨有否關係。

志偉透露家輝希望明年演舞台劇及拍劇。

梁家樹需要為新劇再物色人選。（資料圖片）