靚仔吳尊驚爆有妻女，曾於電影《忠烈楊家將》合作成好友的林峯得知後坦言完全沒有聽聞，拍戲時亦沒有談及太多私人事，但認為最緊要是開心，他也希望同樣擁有幸福生活。曾與吳尊合作電影《開心魔法》的林峯女友吳千語聽到消息後亦替對方開心：「吳尊一定係好爸爸，女兒一定係好靚、好可愛嘅小朋友，祝佢哋一家幸福快樂。」

林峯（右）驚聞好友吳尊已有妻女，笑言自己都想咁幸福。

鍾嘉欣笑言與吳尊似一家人，替他成家立室感開心。

被指似吳尊的鍾嘉欣亦指因兩人激似的說法已久，對他有一份親切感，故知道對方有家室後亦替他開心，問到會否想過其女兒的樣子似自己時，她笑說：「冇特別諗過！但我覺得佢肯勇敢承認，真係一個好男人。」而與吳尊合作電影《武俠梁祝》的蔡卓妍不知對方已成家立室，但不感愕然：「我覺得作為佢嘅朋友同粉絲，應該尊重佢哋決定。（想見佢個女？）吳尊咁靚仔，佢個女應該都好靚女！」