張智霖、莊思敏、石詠莉（Sukie）、張暖雅夫婦與雨僑等，昨日出席蕭定一助手梁雅詩（Polly）大婚之喜，單拖現身的張智霖甫到場即吸引一眾賓客合照，對於有指他會客串老婆袁詠儀主演的內地劇，他直認不諱：「10月中去拍，但聽講唔會同老婆有對手戲。（收得貴？）冇講錢喎！（冇人睇住個仔？）成日都係咁。」

張智霖咁靚仔，連小妹妹都索合照兼獻吻！

雨僑與一對新人合照，幾時輪到佢呢？

與緋聞導演男友葉念琛前後腳到場的莊思敏，問到發展機會？她表示尷尬：「點答你？唔會話冇。」而雨僑則透露將赴韓國拍攝電影《喜愛夜蒲3》:「呢排同林德信咀到好攰。（有冇同男友備案？）唔使。」