日本組合AKB48風靡亞洲男士，隊中的女神級成員渡邊麻友昨日首度訪港，吸引數百人撐場。身為大會司儀的森美卻公然調戲麻友，慘成粉絲公敵，還換來全場噓聲！

森美唔識死調戲麻友，當場噓聲不絕。

渡邊麻友首度來港勁親民，大批宅男粉絲瘋狂追星送禮物。

麻友屬AKB中女神級偶像，500名粉絲一早霸定靚位撐場。

六位「小麻友」與麻友一樣咁可愛！

麻友即場揀選打扮「突出」的Fans上台合照，又派海報搞氣氛。

森美

人氣爆燈的日本女子組合AKB48主將渡邊麻友，昨日在十多名工作人員陪同下抵港，吸引約半百粉絲到機場迎接，當中以男性居多。獲宅男視為女神的麻友，在保安築成人鏈保護下離開坐專車，雖然粉絲一擁而上致場面混亂，更有旅客湊熱鬧湧上前拍照，但幸好她處變不驚，全程報以甜笑及親切揮手，又應粉絲要求一起做招牌Pat Pat手勢。當接過粉絲送上的禮物及打氣紙板後，麻友隨即登上專車，臨走前還揮動手上公仔向粉絲講再見，態度友善。

恨飲茶食點心

麻友今次行程緊密，昨午殺入旺角朗豪坊出席活動，逾500名「麻迷」早已到場霸定靚位。大會安排六位「小麻友」跳舞娛賓，麻友緊接出場即尖叫聲不絕，期間她忍不住摸摸「小麻友」，又用廣東話打招呼冧粉絲：「大家好，我係渡邊麻友！」隨後又跟幸運粉絲玩遊戲，但身為大會司儀的森美竟膽粗粗笑問：「你哋可唔可以叫麻友錫我一啖？」台下宅男立即報以噓聲，森美還繼續調戲麻友，要求她餵吃壽司，令現場噓聲不絕於耳！最後，麻友向其中一位「小麻友」餵壽司，幾經辛苦才平息粉絲的不滿情緒。

其後，麻友挑選四名打扮「突出」的擁躉上台，又派海報搞氣氛。她受訪時表示首度來港，獲Fans熱情支持感到開心，此行希望可以飲茶食點心。當被問會否想跟香港藝人合作，她坦言不太熟悉港星，但有機會也想合作。事後，森美將拍下麻友的照片放上網，繼續被「麻迷」狙擊，寸他為何不是影腳，又指他做得麻友阿爸！