無綫之前被指剝削演員，對甘草演員亦照顧欠奉，故今年台慶除了搞名車大抽獎外，亦特別準備名貴獎品如鑽石等送出，實行以「着數」冧旗下藝人，皆大歡喜。

四哥早年曾為無綫拍攝節目《向世界出發》，遊歷墨西哥。

胡楓（右）與Joe Junior曾合演劇集，但結伴遊埠兼溝女相信是第一次。

至於台慶特備節目，更以「甘草」出發！老戲骨胡楓及Joe Junior將擔任主持，夥拍一代小生謝賢（四哥）飛到西班牙及葡萄牙拍節目《三個小生去旅行》。三位「老友記」奉旨風流行，如年輕人自由行般，將要自己買車票搭車，又會去鬥牛、踢波，更有機會齊齊溝女，節目更講到明不用他們記稿，實行想講乜就講乜、想做乜就做乜，相信會十分過癮。節目監製蘇敏儀表示《三》有意義，充分展現他們的活力，希望大家能感受到「開心老人」的快樂。