樂壇天后容祖兒在內地開騷，破格以睡衣裝束上陣，她自稱是愛匿在家中的「宅女」，更在台上公開床上的「另一半」！她又自爆以往有明戀、暗戀甚至三角戀的經驗，但現時最嚮往細水長流的愛情。

Joey開騷變愛情講座，穿上睡衣與粉絲大談少女心事！

Joey拖實「枕邊熊」演出，認真童心未泯！

容祖兒（Joey）日前赴廣州舉行MOOV Live音樂會，演唱新專輯《Little Day小日子》中的歌曲，大會更落重本聘請享負盛名的10人管弦樂團為她伴奏！第3次與MOOV Live合作的Joey表示，今次的表演和以往有所不同，之前多數以樂隊伴奏，但這次難得與管弦樂團合作，又指大碟的歌曲與管弦樂很夾，能演繹細膩的情感！

當晚Joey一反平日台上雍容華貴的造型，僅以一身純白睡衣打扮與歌迷見面，她自爆骨子裏很愛躲在家中，故今次舞台設計以睡房為主題，讓歌迷有安坐家中和近距離舒服睇騷的感覺。她又攜同「枕邊熊」一同演出，更即場分享少女心底話：「我從小就有寫日記嘅習慣，記錄過往嘅感情，有明戀、暗戀甚至三角戀，我係一個喺感情處理上十分直接嘅人，依家我最嚮往嘅係細水長流，我知道好多女孩子都渴望戀愛，但係就如《深閨》呢首歌所講，要選擇到適合嘅對象，然後發展進一步關係先係最重要！」

平平淡淡才是真

Joey又透過主打歌《小日子》分享近年來對人生的看法，她說：「人與人之間嘅關係若果真心，好多事情都唔使太刻意，平平淡淡，自自然然地就已經可以好舒服！」至「安歌」環節她再次演唱《另眼相看》，帶動全場歌迷站起來又跳又唱！