薛家燕、滕麗名與湯盈盈等昨日為新劇《新抱喜相逢》試造型，已有兩、三年沒有拍劇的家燕姐，為了演活豪門奶奶一角，特別花費數萬元訂造靚衫演出，她說：「仲有幾百萬珠寶贊助，真係好豪！（遷就演出？）公司唔阻我聖誕登台搵食嘅！最近天氣涼咗，個女先畀我拍劇，加上今次劇本溫馨搞笑，又喺農曆新年播，大家見到我開開心心，對廣告商都算有交代！」

湯盈盈（左）與滕麗名喜見家燕姐（中），立即上前相擁。

至於產後復出拍劇的盈盈表示將湊女的職責交由加拿大返港的雙親及陪月，又透露已為7個月大的女兒報讀Playgroup，她笑不攏嘴說：「我連幼稚園都報埋，香港讀書環境係咁冇計，嘉樂都有問我會唔會怪獸咗啲，其實個女都係去玩同聽吓歌，佢咁細個已經識做面部表情，一唔鍾意就鉸剪腳，嘉樂都讚佢叻女！」