黃國桐律師坦言羅霖難以追回欠款：「因為依家係人哋出錢幫佢慶祝生日，呢個好難係合法嘅追討理由。除非佢同個會（影迷會）預先仔細地傾咗條款，例如出席個生日會可得到某個數額嘅酬勞，否則根本『無數可追』，最多只能當民事訴訟。假若當日羅霖冇現身，咁有份出錢嘅影迷會會員就可以告負責人斂財。」問到有人疑以「爆料」威脅羅霖不可追數，會否構成刑事威嚇？他說：「構成刑事威嚇嘅條件係要有Demand（要求），但依家就咁睇好難定性為勒索，因為連有冇數可以追都未知。」他指若該影迷會為已註冊組織，會較易進行追討：「因為最少有兩個負責人，唔會一個走咗就搵唔到。」

黃國桐律師表示要追回欠款，頗有難度。