名模周汶錡、傅嘉莉及姚書軼等昨日出席《7 for All Mankind》活動，提到妹妹周麗淇傳與內地男星徐正曦拍拖，周汶錡笑言對方已長大，拍拖亦屬正常事：「我唔八卦，等佢返嚟先問。我未見過個男仔，唔會審問佢，又唔係未成年少女！（個男仔係富二代，妹妹識揀？）唔知。（男仔細過妹妹？）只要鍾意，年齡唔係問題。」她透露早前有意為妹妹介紹異性，但看來現時已沒有需要。

貝安琪（左起）、傅嘉莉、姚書軼、Mark Ryan及周汶錡等出席品牌活動。

同場的傅嘉莉以性感喱士裝谷胸上陣，她透露服裝由大會安排：「已經做足安全措施，因為裏面件衫好貼，所以更凸出身材。（你『禾稈冚珍珠』？）間中表露吓，要睇場合，我做模特兒都着過好多性感衫，最緊要靚。」