Jessica C.、Jocelyn、徐靖雯（Jenny）、Mandy Lieu、鍾浠文（Zelia）及松岡李那等多位女模昨晚為《秋色.儷影.又一城》時裝匯演擔任Model，她們日前為活動試穿服裝，部分Model以素顏上陣。期間，Zelia透露Cafe獲商家垂青，有望進軍內地市場：「依家仲傾緊，我冇諗過會有咁嘅機會，好開心！要認真考慮先得，有好多細節要傾，我都希望將來可以愈開愈多！」

鍾浠文的Cafe有望進軍內地市場，擺甫士時零舍自信。

此外，Jenny試身時被皮鞋刮傷右腳腳踝致流血，但她毫無怨言，表示會頂硬上：「其實對鞋唔啱都要照行騷，成日都會發生，我都試過因為對鞋太細，對腳痛住都照行。啲人淨係睇到Model靚嘅一面，背後嘅辛酸同付出就睇唔到。」