Ana R.買大戒指Ready生B

名模Ana R.昨日戴上藍寶石訂婚戒指出席時裝活動，記者發現其戒指有點鬆，她說：「係有少少鬆，不過我見身邊朋友懷孕時，戒指同鞋都唔啱着，所以覺得依家個尺碼係最完美！」問到是否已準備懷孕？她甜笑說：「已經準備咗好耐，一直只係等緊Mr.Right，如果早啲遇到，可能依家已經有三個小朋友。」她表示很喜歡小朋友，弟弟有五名子女，她亦希望有多些小朋友。提到模特兒好友Cara G.拍大肚照，她笑言將來懷孕也想拍，但是否公諸同好則視乎心情而定。