陳豪昨日於西環為新進導演黃浩然的新戲開工，黃浩然還穿上警察制服客串一角，而陳茵媺（Aimee）於今晨五時由加拿大返港，陳豪工作至晚上十一時，休息數小時即往機場接老婆，如此頻撲都只是錫老婆及為搵奶粉錢，認真抵讚！

努力搵銀的陳豪由朝做到晚，認真勤力！

陳茵媺今晨返港然後待產，緊張死陳豪喇！（資料圖片）

早已「封盤」的陳豪仍獲不少女粉絲支持。

問到太太回歸有甚麼準備？他說：「期待嘅心情！（太太喺加拿大咁耐，有冇話想返香港食啲咩？）冇特別要求，我諗佢返嚟，喺身邊照顧佢係最緊要。（孕婦搭長途機好易雙腳水腫，會唔會幫太太按摩？）哈哈！唔話你知，呢啲咁親密嘅嘢，留番我哋兩公婆知啦！」他指Aimee佗B佗得很好，是一位很靚的母親，沒有出現孕婦常見的浮腫。

另外，麥長青昨日出席活動時被問及契妹Aimee的近況，他表示太太更清楚：「佢哋一、兩日就通電話講吓湊仔經，有講過嘔得好犀利！」