周潤發（發哥）、杜汶澤及梁敏儀等於澳門為王晶新片《賭城風雲》開工，親民兼專業的發哥不用拍攝時仍留守片場幫手，他深知劇組人員想跟他合照，故主動跟他們影相留念，更為劇組人員「送靚樣」，令大家眉開眼笑，杜汶澤則靠「Look」搞笑，以「毛胸」造型上陣搶鏡！

發哥歎雪糕降溫，又親民地為幕後打氣。

胸部黐毛的阿澤（右）貫徹其搞笑作風，並獲發哥現身支持。

性感欠奉的吳辰君，坐在泳池旁休息。

內地女星胡然透露於片中有動作戲。

性感上陣的梁敏儀表示完工後即往度假。

發哥、杜汶澤（阿澤）、吳辰君及「晶女郎」童菲等昨日到澳門為王晶新片開工，他們拍攝一場泳池景戲，雖然沒有發哥的鏡頭，但他仍留在片場幫手，非常有心！

而梁敏儀原本日前已完工，但因颱風關係而推遲收工時間，她跟袁嘉敏及內地女星胡然以三點式泳衣上陣，梁敏儀更大讚發哥冇架子：「我哋成班演員食飯，發哥知道我哋想同佢影相但又唔敢出聲，就主動走出嚟問我哋有冇手機，然後用我哋嘅手機同我哋面貼面合照，開心死我哋成班工作人員呀！」

阿澤出「毛」術

發哥深得劇組人員愛戴，阿澤則憑搞笑Look搶鏡，他昨日以「毛胸Look」現身，齋看外形已覺搞笑！而與他及謝霆鋒有對手戲的童菲則大讚兩人：「阿澤真係好搞笑，其實霆鋒唔係真係咁Cool，佢模仿力好強，最鍾意扮導演劉偉強嘅動作，有時仲會扮佢揸住部機周圍走個樣，好好笑！」