殿堂級歌手陳潔靈（Elisa）、葉麗儀（Frances）和瑪利亞（肥媽），宣布下月的紅館騷將會是她們在香港的終極演出！雖然近日屢傳不和，但肥媽一想到這次是告別作，即眼淺落淚，不和傳聞統統粉碎！

葉麗儀（左起）、肥媽及陳潔靈搭膊頭合照，粉碎不和傳聞。

肥媽（中）因不捨「分手」而落淚，好姊妹陳潔靈（左）及葉麗儀立即上前安慰。

陳潔靈、葉麗儀和肥媽三姊妹聚首一堂，為下月5及6日在紅館舉行的《3個女人一個墟2013唱過界演唱會》綵排，並宣布是次演唱會將會是「3個女人一個墟」在香港的終極演出！三人表示今次將交出所有最好的表演元素，更會以最佳狀態示人，希望做到點到即止。Elisa說：「我哋係好好嘅朋友，音樂上互相扶持，但我哋今次算係好圓滿嘅結束，監製倫永亮亦都擺咗好多心機，下次都唔知再做咩好，我哋唔想為咗合作而合作！」但表示會繼續走埠開騷，提到不和傳聞，Elisa笑說：「如果大家話我哋不和，應該嚟睇我哋演唱會，證明我哋冇不和！」

演出開心有火花

而肥媽開腔力證三人絕無不和，又表示與Elisa及Frances合作很開心、很有火花，但一想到今次是與好姊妹的告別作，她立即眼濕濕，Frances即講笑緩和氣氛：「演唱會要叫設計師幫肥媽件衫加個袋，方便袋紙巾抹眼淚，唔好諗啲唔開心嘅嘢！」肥媽則表示希望過半退休生活，她指自己「唔等錢使」，計劃完成手頭上的工作便休息，爭取時間與家人相處。