名模Jessica C.昨日以超性感造型與男模趙勁皓拍攝舞台劇宣傳照，即將處女演出舞台劇的JC露半球兼大騷半個Pat Pat，男主角趙勁皓直言要多點定力，但不怕演親熱戲時出現生理反應！

JC拍宣傳照的造型性感惹火，難怪趙勁皓大呼需要多點定力！

JC雖然不懂廣東話，但為了舞台劇演出，希望挑戰廣東話對白！

擁有誘人警鐘胸的Jessica C.（JC）昨日與爆肌男模趙勁皓以男女主角身份為主演的舞台劇拍攝造型宣傳照，他們皆以性感打扮現身，JC大晒東西半球和滑溜美腿，更露出半個Pat Pat，噴血指數爆燈！兩人異口同聲表示首次演出舞台劇，JC興奮地說：「大家都係第一次，我覺得好興奮，都有啲緊張。雖然我都會着內衣拍廣告或行內衣騷，但從未試過咁性感嘅現場演出，同埋有男對手，感覺好似有啲赤裸裸咁。」

問到可有親熱戲？JC指男女感情已經是一種親密關係，但未知會否有親熱戲，而趙勁皓則大賣關子，指導演可能到時情感到就會有。緊張的他不停流汗，並說：「着咗呢條褲我郁唔到，貼晒膠紙，又要谷住啲腹肌。（你平時都露。）平日淨係露上身，下身着好多！」又稱兩人演出時的服飾將會更加誇張。

嘗試廣東話演出

問及趙勁皓面對性感的JC是否需要多點定力？他說：「需要o架！佢真係好性感，不過我今日都好性感。（驚唔驚會有生理反應？）應該唔會，我之前同師姐周秀娜拍親熱戲時都冇，佢哋兩個都係性感女神！」兩人其後會有20天的排練，並於12月有6場公演。不懂廣東話的JC表示想嘗試廣東話對白，不過因工作忙還未練習。趙勁皓則希望JC以廣東話對白演出，因為故事講述JC將他由處男變成男人，如果JC說英語他會聽不懂。