跳唱女歌手蔚雨芯（Rainky）與狄易達昨日到海港城出席鐘錶活動，Rainky嫲嫲曾送她一隻陀錶，至於可有男仔送錶？她笑說：「有都唔敢收啦！不過我鍾意閃令令嘅情侶錶。」提到即將舉行的舞台劇，她說：「我到時會獻出第一次，喺大家面前咀狄易達，大家咁熟唔會尷尬！」而達仔希望30歲前買到一隻「成層樓咁貴嘅錶」：「我試過戴老闆隻貴錶，但真係唔敢拎出街呀！」
蔚雨芯預告在舞台劇將「第一吻」獻給達仔。
