陳靜（DaDa）上月「閃退」，再蒲頭亦明顯失勢，同門師妹郭穎兒和蕭美卡冷手執個熱煎堆，取代DaDa下月出席釜山電影節，二人前日谷胸試戰衣向DaDa示威！

中門大開的Mika未有「食住上」，反而避談DaDa的事。

取代DaDa出戰釜山影展的Celia K.大感興奮，換上透視裝盡騷本錢。

DaDa

第一套戰衣未能凸顯身材，搞到Celia K.皺晒眉。

Mika（右）跟Celia K.揀戰衣時交換意見。

本月10日，DaDa被本報拍得現身好友蔡瑩瑩（Ivy）寓所，失蹤一個月後終於蒲頭，可是其工作已逐漸被取代，改由同門師妹郭穎兒（Celia K.）頂上，除了下月初舉行的韓國釜山電影節外，Celia K.還以六位數字酬金到日本為《Tokyo Girls Award 2013》行騷，至於曾被DaDa杯葛的蕭美卡（Mika）亦將赴釜山，與Celia K.齊齊做「大贏家」。

Celia K.和Mika獲本地著名設計師林樹彬（Arthur Lam）贊助戰衣出戰釜山，二人前日特地捱餓到柴灣試戰衣，雖然Celia K.先揀Tube Dress長裙，谷行33C咪咪，可是同樣擁有33C上圍的Mika所揀的Deep V透視晚裝效果更澎湃，加上真空上陣，Celia K.遂換上透視裝迎戰，未出發已經「峰」煙四起。

句句有骨

對於取代DaDa被公司力捧，Celia寸爆地說：「公司除咗佢（DaDa）仲有我，有信心做得好過佢，我情緒不嬲冇問題，唔會做做吓嘢唔做，做人要學識珍惜！」問有否與DaDa聯絡？她說：「希望佢明天會更好！」至於Mika卻不敢得罪對方，只表示努力做好自己就夠：「好開心有機會去釜山，作為公司新人，有得去見識已經好開心，其他嘢唔會理太多！」