巨乳組合AD2日前於內地酒吧騷海報以「《喜愛夜蒲3》女主角」作招徠，因而與該片導演錢國偉（Wilson）在微博展開罵戰！成員Aily大爆早前父親的友人曾借出遊艇予《喜》作拍攝之用，最後卻不獲安排角色，更遭炮轟。Wilson說：「以物易物咩！佢哋收硬律師信！」

AD2被轟借錢國偉上位，因而掀起罵戰。

《喜3》演員伍詠薇及雨僑（圖）加入罵戰指摘AD2。

伍詠薇

錢國偉被爆「反口」，未有為AD2安排角色。

繼早前模曾寶玲疑冒認《喜愛夜蒲3》女主角到內地造勢後，日前於內地開酒吧騷的AD2亦於海報上以「《喜愛夜蒲3》女主角」作招徠。導演錢國偉昨日在微博怒轟AD2，片中演員如雨僑、伍詠薇及施念慈等亦加入戰團斥組合博宣傳。Wilson被AD2成員Aily指摘借組合宣傳電影：「請不要拿AD2嚟做你部電影嘅宣傳工具！酒吧點宣傳係酒吧嘅事，你問番內地酒吧啦！錢導演！？」

Wilson接受電話訪問時指感到莫名其妙：「真係惡人先告狀，叫電影公司出律師信，怕影響《喜》女角形象，內地人唔知會以為女角會互相摸胸。」AD2的成員Amy受訪時澄清：「酒吧話會用『《喜愛夜蒲3》面試最出位的女星』，我哋上到去先知寫『《喜愛夜蒲3》女主角』，我哋都控制唔到，叫咗經理人處理。」期間，她大鬧錢國偉未有查清楚事件便炮轟，引發罵戰。

收硬「律師信」

而Aily回應事件時則大爆錢國偉「反口」，她透露早前《喜》劇組向其父親的友人借來遊艇拍攝船P：「條件係安排《喜》角色畀我哋，拍完之後，錢國偉話角色唔適合，就冇安排到，佢反口！佢哋整花咗隻船，我都未追究，反而畀佢鬧。」提到借遊艇一事，錢國偉指租船事宜由製片負責：「有好多朋友借船畀我，有聽過話即管用一用佢（AD2），只係對方提議，唔係一定，唔係強硬。以物易物咩！一早拍船P都冇預佢，佢哋鍾意點宣傳就點宣傳，律師信就收硬！」