有內地網民爆料指菲鵬離婚是在烏魯木齊市沙依巴克區人民法院辦理，亦有指新疆維吾爾自治區民政廳事務處未辦理過兩人離婚。對此，中國執業律師吳志強表示，內地搞離婚其實可分為協議離婚及訴訟離婚：「協議離婚可到當地民政廳婚姻登記處辦理，通過後就即時發離婚證；訴訟離婚比較麻煩，若雙方喺財產、撫養權或只係單方面提出離婚，就要由法院判決，判決後若冇人上訴，法院就會頒離婚判決書，頒發後先可以正式離婚。」吳律師還表示民政廳與法院屬獨立部門，不用互相通報：「內地人通常會喺自己落戶嘅地方結婚，基本上離婚都係一樣，因為要戶籍資料都喺同一地方，方便處理手續，離婚一經判決，當事人要到公安局更改自己婚姻狀況！」