鍾嘉欣、蕭正楠、田蕊妮及陳展鵬等昨日出席劇集《巨輪》的宣傳活動,嘉欣因收風收得太遲,成為全場唯一以90年代造型上陣的主角,令她大呼尷尬!而本周六生日的田蕊妮則透露老公杜汶澤屆時會為她親自下廚,並發表「大婆宣言」擊退老公身邊的狂蜂浪蝶!

嘉欣收錯風以90年代造型上陣,令她大感尷尬!

蕭正楠走到台下親手餵粉絲吃東西,奉旨放電。

陳展鵬(右)及蕭正楠玩遊戲時幾乎攬實!

田蕊妮(右)及鍾嘉欣玩到嘴嘟嘟!

鍾嘉欣是全場唯一作90年代打扮的藝人,她表示不知道活動臨時更改而「着錯衫」,大感尷尬!提到蔡少芬在內地工作疑遭綁架,嘉欣即大呼恐怖:「其實返內地最緊要有警覺性,我都試過喺內地拍劇時遇到收『陀地』。(叫緋聞男友伍允龍過兩招傍身?)因為唔係成日練,就算識啲招數都冇力。」

而本月28日生日的田蕊妮則透露,老公杜汶澤當日會為她親自下廚及以iPhone 5S作為生日禮物:「佢知我部電話壞壞哋,我哋之間一向唔玩驚喜,不過我OK。」提到阿澤最近成功收身,會否怕老公吸引狂蜂浪蝶?阿田即「大婆上身」,說:「佢都成40歲人啦!知咩係做得,咩係唔做得,大家都係講信任、尊重,我信佢唔會超越界線。如果佢超越咗,我都有辦法對付佢,佢應該會驚!」

蕭正楠儲老婆本

同場的蕭正楠因接拍《巨》劇而成為代言人拍廣告,他自嘲上次接拍的廣告已是9年前的蛋糕廣告:「上次『雪雪雪』,雪吓雪吓又走埋,依家係個新開始。(搵到老婆本?)夠買張床咋,仲要努力。」此外,最近拍王晶新劇《縱橫天地》的他透露在劇中被四名穿着低胸衫兼狂「Fing頭」的女子圍着,令他十分難忘。談到無綫被裁定違反《反競爭條例》而被通訊事務管理局罰款90萬,他表示近年多接受內地電視台的公開訪問:「講番普通話都正常,我覺得容祖兒答得好好,如果冇呢啲咪牌,普通話就冇咁好。」