苟芸慧可謂藝高人膽大，昨日聯同韓籍重力平衡術大師Rocky Byun表演的她，竟在未有綵排的情況下坐在椅子上，被Rocky「凌空吊起」，相當「牙煙」！而在對方未取得平衡點前，苟姑娘被嚇至面容扭曲，花容失色！其後接受訪問時，她形容自己膽大兼好奇心重，她說：「覺得乜都要試吓，況且難得有咁嘅機會！」

苟芸慧指學泰拳可以保護自己。

苟芸慧被「凌空吊起」，嚇得花容失色！

提到蔡少芬（Ada）日前往內地公幹時一度懷疑遭挾持，最終要驚動公安調停才脫險。苟姑娘聞言即說：「嘩！好似拍緊戲咁喎﹗我就未遇過類似嘅情況，好彩學緊泰拳，相信可以保護自己，況且我習慣同合作開嘅客戶合作！其實Ada份人好Nice，唔應該出現呢啲情況囉！」談到傳與岑麗香因接Job問題而鬧不和，苟姑娘笑說：「我哋傳過短訊，講笑話為咗澄清，係咪要當眾嚟一次法式濕吻！但又驚日後又傳同其他人不和，咁咪成日要錫？」