周柏豪昨日在3號風球下,與逾200名Fans舉行抱抱會,有來自澳門的Fans因風雨關係滯留本港,他笑說:「或者安排佢哋去公司瞓,我可以陪佢哋一陣。」他又自言易招風雨:「每次我搞大單嘢,天氣就唔好!本身夜晚要過澳門拍最後一場戲,依家過唔到去,之後又冇期拍,都唔知點算!」席上,他逐一緊抱Fans以示謝意,又笑言不怕被摸蝕:「我着咗兩件底衫!(下次搞錫錫會?)我怕細菌感染喎!隔住口罩又唔夠誠意。」

周柏豪肉緊地攬實Fans,不怕蝕底!

送抱之餘,周柏豪主動走近Fans握手。