家底豐厚的出爐港姐冠軍陳凱琳（Grace），昨午3時許獨自乘港鐵到中環會合朋友歎茶，期間被乘客認出並要求合照，她亦有求必應，更友善地彎低身遷就小Fans的高度，毫無架子！談及在3號波下外出，她說：「有朋友喺加拿大返港，所以冒住風雨都要赴約。（擔心？）印象中香港打風未算有太大破壞，不過我睇番報道，原來香港以前嘅颱風都有好多傷亡，我今次出街都會小心啲。」
陳凱琳彎低身與小朋友合照，非常友善。
