給人一種「大唔透」感覺的江若琳（Elanne），近年因返內地拍劇關係，由從前大頭蝦變成獨立剛強少女，甚麼也要靠自己的Elanne，更化身「養生達人」，為自己制訂養生食療及護膚方法。另外，仍是單身一族的她坦言不心急搵男友，更揚言：「冇人保證我幸福一世，但自己就可以保證我嘅事業！」認真夠晒烈女！

Elanne認為沒有人可以保證她幸福一世，所以要靠自己努力。

今年踏入26歲的Elanne，慨嘆感情生活一片空白。

Elanne在《巾幗大將軍》中飾演花木蘭，大受好評。

Elanne自我制訂養生食療，更戒掉凍飲。

自從返內地拍劇後，Elanne由從前的大頭蝦變成獨立剛強少女。

藝人江若琳（Elanne）近年轉戰內地市場，過往半年間在內地連續拍攝兩套電視劇，近日終於被公司「叫停」要放假，不過自言是工作狂的Elanne卻大呻悶：「慣咗喺內地每日開工開足14個鐘，我放假放1、2日就得啫，但依家放成個月，真係好有戲癮！」　

面對整個大中華市場，香港藝人北上發展時，往往傳出被排擠的新聞，不過Elanne坦言完全沒有問題，她說：「我諗識得講普通話係最大嘅優勢，佢哋知我識講，就會覺得我係自己人。」她在內地拍劇時遇上瘋狂粉絲，但卻「冇有怕」：「我啲粉絲大部分係女仔，佢哋會特登同我住同一間酒店，仲要Book間房住喺我隔籬，有時會打我酒店間房嘅電話，聽完我把聲就Cut線，有啲仲會喺我門口播我啲歌，又會攝紙仔問我幾時出嚟同食咗飯未。」

食得清淡戒凍飲

問到Elanne離鄉別井能否習慣，她說：「最唔習慣係冇得見屋企人，同埋住宿環境同食物嘅口味。我盡量唔食劇組飯，因為太油啦！我會叫助手整菜、煲雪梨水同蓮子粥畀我，盡量食得清淡啲。」

有人話女人過了25歲之後，身體機能就會出現問題，今年正式踏入26歲的Elanne亦難逃一劫，從前並不着重護膚的她，漸漸覺得皮膚及身體機能出現問題，才「醒覺」要保養自己：「我之前唔搽Cream、唔飲水、唔敷面膜，就算三日唔落妝都冇問題！但有日發現沖涼後個身好乾，發現自己開始大個喇！我依家出街會帶水，就算係幾熱都好，都只會飲熱或暖水，所有凍飲、冇益嘅嘢都戒晒，因為健康真係好緊要！我依家食嘢都會睇成分同卡路里，希望食得健康啲！」

洋葱浸酒治失眠

早前Elanne表示因拍劇爆煲關係，引致抑鬱及失眠，她更化身「養生達人」，上網尋求方法，最終「醫好」自己，她說：「我試過紫洋葱浸紅酒呢個方法，真係好Work，可以醫心臟病、血脂過高同埋失眠。我每次都將紫洋葱切絲浸紅酒7日，臨瞓飲3分之1小杯，真係會好瞓好多。如果唔飲呢個，都可以定期做腳底按摩，又或者對腳浸熱水，都會好有幫助。」

雖然Elanne未到中女之齡，不過卻慨嘆「冇人追」，感情生活一片空白：「好多人都覺得我有拖拍，所以就冇追我。（你Feel唔到？）我根本忙到連食飯睇戲嘅時間都冇呀！（媽咪冇催你？）之前都會有，但近年佢見到我都有成績，就會話女仔應該闖吓自己的事業。依家都會同佢分析，女人應該靠自己， 冇人保證我幸福一世，但自己就可以保證我嘅事業。就算我結咗婚都會繼續工作，想好似楊千嬅同陳慧琳咁成功。」

後記：親力親為

從前烏龍百出兼大頭蝦的Elanne，過往半年在內地拍劇乜都要靠自己，培養出獨立自理能力，在化妝換衫期間，從不假手於人，自己搞掂。訪問之後，Elanne更極速換便服兼拎大袋走人，從未見她要求助手幫忙，認真夠爽快！