歌手林欣彤（Mag）昨日出席商場活動，被問到日前中秋節，可有與羅孝勇「人月兩團圓」時，她即冷淡地暗示「已分手」，揚言「唔使團圓」，並謂從今起專心工作。

提到分手一事，林欣彤表現得相當冷淡。

林欣彤暗示與羅孝勇已分手。

馮允謙在活動上大談擇偶條件。

林欣彤與馮允謙昨日到屯門V city出席活動，二人大講擇偶條件，Mag稱希望男方能夠集有責任感、善良、孝順、個子高及愛女友等條件於一身，緋聞男友羅孝勇似乎頗符合上述條件！問到中秋節可有與羅孝勇「人月兩團圓」？Mag只冷淡地說：「好耐冇見，中秋我同屋企人過。（唔同羅孝勇團圓？）唔使團圓，對上一次見佢都係做嘢。」

換「相處模式」

記者指羅孝勇日前去看周杰倫演唱會，不過Mag漠不關心，只說：「係？唔知喎！（分咗手？）朋友囉！一路都係朋友，冇話分唔分開，唔同嘅相處模式囉！（幾時分開？）唔知，冇計。（冇再聯絡？）過時過節有短訊嘅，講『中秋節快樂』囉！（公司畀壓力要分開？）冇壓力，依家仲好啦！可以專心工作，依家我好勤力o架喇！」

至於馮允謙對於無綫早前被通訊事務管理局罰款，他說：「對我嘅工作唔係有好大影響，工作方式都係差唔多，我都有收到公司短訊，但我唔識睇中文，遲啲會叫人翻譯番畀我知講咩！」