歌手林德信（Alex）、港姐朱千雪、湯洛雯及洪永城等昨日出席澳門旅遊業宣傳活動，Alex原本今日會為《喜愛夜蒲3》與何佩瑜（Jeana）拍床上戲，但拍攝工作被颱風「吹」走：「最近同時拍緊《喜3》同黃百鳴嘅賀歲片，突然有假期，可以同家人食飯。」他表示將分別床戰Jeana及雨僑，第一次拍親熱戲的他大感緊張，問到會否約緋聞女友松岡李那「練習」？他即尷尬笑住說：「唔使啦！請教Wilson（導演錢國偉）啦！佢經驗多。（畀人探班？）好多朋友都想嚟。（爸爸林子祥？）唔好喇啩！（松岡呢？）冇咩所謂，但驚太多人，我會仲緊張。」千雪則表示忙於與兩大影帝張家輝及張學友拍電影，大讚兩人很照顧後輩，問到她會否多NG？她說：「冇乜，可能導演知我新，想我演得自然啲。」

林德信挨住朱千雪咁親密，唔怕緋聞女友松岡呷醋？

洪永城與湯洛雯拍檔，感覺新鮮。