對於張栢芝聲稱離婚至今仍未收過贍養費，黃國桐律師表示如果有申請贍養費，除非丈夫沒錢，否則不會收不到贍養費：「如果個官已經批咗但對方冇畀，負責撫養仔女嗰方有權喺法律上追討。贍養費其實分兩種，一種係畀自己，另一種係畀仔女。養育子女係天經地義，個官好少會唔批。」問到申請贍養費有沒有期限，他說：「冇！離婚前後都可以申請，離婚之前可以申請『臨時贍養費』。」問到會否因贍養費而打官司，所以收不到錢，黃律師指贍養費問題多數會盡快搞掂：「唔會！好少要打幾年。」
