張智霖（Chilam）近日憑「Cool魔」一角人氣急升，對於通訊事務管理局前日裁定無綫電視違反競爭條例罰90萬元，與TVB只有部頭約的Chilam坦言沒有受到影響，並搞Gag說：「有時受訪都會講英文。」

Chilam與無綫只有部頭約，受訪時不論廣東話或英語，一律照講。

黃宗澤否認支持修改合約，又表示會尊重公司。

欣宜力撐無綫，更指冇無綫就沒有她。

張智霖與鄭欣宜昨日出席活動，問到無綫因歌手合約條款問題被罰款90萬時，Chilam說：「啱啱先簽唱片公司，所以同無綫只有部頭約。（以後可以用廣東話接受其他電視台訪問？）我唔係好理，想講乜就講乜，有時都會講吓英文。藝人立場係希望去唔同嘅平台宣傳，電視台立場就希望有獨家，大家存在磋商空間。」問到會否再簽歌星約？他說：「睇唱片公司要求。」

而身為星煥國際娛樂旗下歌手的欣宜則與老闆何哲圖一條心，力撐無綫：「我喺無綫長大，無論點，冇TVB嘅平台同支持，就冇鄭欣宜。」

徐子珊黃宗澤力撐公司

無綫一眾小生花旦昨日出席活動時皆力撐公司，徐子珊及胡定欣均指未受影響，子珊說：「簽約前都知係咁，我覺得呢個平台適合我。」提到台灣藝人自由度大，黃宗澤就認為不同地方有不同規定，問到是否支持修改合約？他說：「唔係，我只係尊重合約同法例。」

另外，前無綫藝人袁彌明昨日亦在電話訪問中透露有人建議她控告無綫，但她並沒有意欲訴諸法律：「我同無綫嘅合約喺08年完咗，不過其他電視台同唱片公司可以入稟法庭。」又指當年跟無綫簽「1年1騷」約：「唔公平都冇得傾，佢會用行政手段要你簽！」