歌手龍小菌昨日為學生辯論比賽擔任評判，她表示從沒參與辯論隊：「我口才唔叻，反應又唔快。」又自稱不愛與人爭辯：「我崇尚和平，只係會同屋企人駁吓嘴，以前拍拖都未試過嗌交。（但你出道以嚟畀人批評都會反駁？）唔算反駁，有啲人唔清楚我做緊咩，我只係講番出嚟啫！」
龍小菌揚言以往拍拖從沒試過嗌交。
與無綫有歌手合約的龍小菌，未敢評論無綫被罰款一事，但自認普通話麻麻的她，亦想在其他電視台以廣東話受訪：「不過每個台有佢執着嘅嘢，良性競爭係好事。」
