無綫花旦徐子珊昨日偕黃宗澤（Bosco）及胡定欣等，於土瓜灣拍攝新劇《點金勝手》，劇中假扮女同性戀者的子珊，會與女演員有親熱戲，不過日前已跟定欣拍浸浴戲的她，既要扮全裸又要替對方整理頭髮，令子珊不禁大呼尷尬：「真係打晒冷震，唔係定欣唔吸引，係我忍唔到笑。現實中有女仔向我表白過，但我對呢樣嘢有少少卻步。（中途轉同志？）演戲啫！我絕對抽離到。」

徐子珊於新劇與女演員有親熱戲。

Bosco笑言現實中未試過一腳踏幾船。

至於飾演「有錢佬」的Bosco，現實中投資有道兼傳身家逾半億，他笑說：「我哋係實力，一分努力一分錢。我都想好多億，你哋抬舉我啫！」劇中老婆定欣任由他偷食，問到是否渴望找到這種好老婆？Bosco說：「要去到某個身份、地位，女人先有咁嘅諗法。（會偷食？）要湊咁多女人好煩！（試過一腳踏幾船？）冇，唔敢，我搞唔掂。」