於新劇再與拍檔周海媚合作的張兆輝，近年接工作只求開心，故對收視未感壓力，但期望角色能對時下年輕人起教化作用。

輝哥操弗體能，配合劇中角色。

張兆輝與周海媚相隔20年後再度合作，於劇中有不少對手戲。

輝哥寄語年輕人做事要按部就班，切忌衝動。

繼1994年合作《情濃大地》後，張兆輝於無綫新劇《神鎗狙擊》與拍檔周海媚（海味）再度攜手合作。輝哥表示最着緊的並不是收視率：「拍得就預咗播出街，雖然接住《衝上雲霄II》播，但我哋唔驚。《衝II》同第一輯都隔成十年，我同海味都二十年冇合作無綫劇，觀眾會想睇嘅！我同海味後生時各有各忙，依家見番好似失散多年嘅老友，已經去到唔使多講都明白對方嘅地步，大家都珍惜合作機會。」

教年輕人按部就班

輝哥透露近年的演出心態有所轉變，較重視作品質素，故希望《神》劇能為年輕人帶出訊息：「我喺《神》劇個角色正直、有原則、安分守己，謝天華個角色就成日想贏我，結果就易出事。譬如佢為贏我0.5秒，比賽時諗計偷雞，贏係贏呀，但畀人Foul呢！我希望時下年輕人睇完套劇，明白即使你生命中會有成就，但都唔會立刻出現，做人做事要一步步嚟！」此外，輝哥透露拍攝時已操至最Fit狀態，更親身上陣拍攝危險鏡頭，相當嚴謹！