藝人陳煒前晚趁中秋將至，宴請劇集《神鎗狙擊》一眾台前幕後。出席的張兆輝對於被指經營美容生意賺得逾半億身家，他笑說：「呢啲傳言唔使聽咁多。（有半億？）我冇係咪佢哋畀我？將來有我就唔知啦！其實半億依家喺香港大把人多過你啦，真係覺得有少少醜添！一陣稅局話唔係咁計一計就麻煩。」對於新劇緊接高收的《衝上雲霄II》，但收視較遜色，張兆輝說：「冇得介意，我哋慢慢會煲番上去！」而煒哥解釋因過了暑假檔期：「啲人返工返學，我哋荷槍實彈好Man嘅戲，應該都多人鍾意！」對於劇中岑麗香的小背心Look勁搶鏡，她笑說：「拍電視就係要吸引觀眾。」

陳煒大讚張兆輝不僅物質富有，心中亦富有。