黎明愛將Janice Man（文詠珊，JM）多次被拍到與富二代衞以德行街拍拖，她直言揀車和揀男友一樣要講Feel，並笑言換車易過揀男友，因感情需要深入了解。

JM輕倚名車大擺甫士，意態撩人！

JM與品牌高層祝酒，備受重視。

昨日Janice Man穿上紅色連身裙出席BMW 全新4 Series Coupe系列發布會，會上她大擺姿勢，香車配美人！已有四年揸車經驗的她坦言看到新車後心動想換車，現在追求快速及有型有款，並鍾情紅色的車。與富二代衞以德傳緋聞的她更借車喻情，強調揀車和揀男友一樣講Feel，最重要夠舒服和感覺。

專一難換畫

JM透露今年想投資買樓及換車：「車就幾時都換得，但男朋友唔可以隨時！（係咪要揸吓同摸吓？）係o架！要接觸吓，了解吓先得。」會否學同門師弟李治廷拍戲時結識異性？她認為拍戲是一個渠道，自己都會代入角色，曾拍激吻戲時擔心無法抽離，但最後都沒有異樣，所以要講緣分和隨緣。問到李治廷有否介紹緋聞女友范冰冰給她認識？她直言少見，但有打聽過：「有問佢（李治廷）點呀。不過我都唔知係咪真，但佢呢排好多正能量。（襯唔襯？）旁人畀唔到意見，自己鍾意都唔會理人點講，支持佢！」

適逢昨日是中秋節，正趕拍新戲的她透露會在工作中度過，並祝大家中秋節快樂。