莊思敏日前被《好報》拍得與緋聞男友葉念琛到酒店餐廳撐枱腳，她接受電話訪問時表示與朋友食飯很正常，又否認轉玩地下情，問到有否發展機會？她說：「唔覺喎！（佢未行動？）朋友之間唔諗呢啲。（食飯時閃縮？）我冇，佢都應該冇，如果驚畀人影就食私房菜啦！」

莊思敏表示與葉念琛謝票度中秋。

莊思敏和葉念琛撐完枱腳後，前後腳離開酒店。

昨日是中秋佳節，莊思敏稱要在電影《第一次不是你》謝票中度過：「導演（葉念琛）打嚟話要去謝票。（咪可以同導演一齊過？）係喎！（佢特登約你？）係佢冇人約搵人陪啫！仲有好多人一齊，成班謝完票可能去消夜，又或者我可能去Join我阿妹（莊思明），因為佢都搞緊個Party。」她又透露即將往上海參加慈善賽車，對手甚強勁：「有洪天明、錢嘉樂、孫佳君。（陪跑？）盡力啦！始終都係第一次賽車。」