謝霆鋒舊愛趙學而和曾傳緋聞的車婉婉，前晚在電視城亮相遊戲節目，提到近期轟動中港台的王菲、李亞鵬離婚一事，趙學而說：「知道，但冇睇新聞內容！」她似乎早有準備，立即落閘說：「唔回應啦！顧住自己先啦！（支持霆鋒同王菲復合？）我唔知呀！我深居簡出！（啲新聞好得意？）有幾得意！娛樂圈一向都日日新鮮！」而車婉婉則指別人感情事冇人可回應，但問到會否為菲鵬結束8年姻緣而感可惜，她說：「希望佢哋好好生活，呢啲嘢我唔鍾意畀意見！」

車婉婉（左）食辣壽司時面容扭曲，在旁的金剛和阮兆祥則笑到見牙唔見眼。

趙學而拒絕評論舊愛霆鋒與王菲會否復合的揣測。