除梁朝偉與劉嘉玲的感情外，近日被傳有閨蜜的陳可辛與吳君如的感情同樣惹人關注。吳君如前晚出席藝術展，並有畫作展出，剛返港的導演老公陳可辛（Peter）專誠捧場，似未有受早前內地女星田樸珺自稱是Peter閨蜜的報道影響，還黐實合照及聯名送花牌，力證感情不變。不過，他倆均表示不再回應傳聞，Peter說：「唔講喇！愈講愈離譜！（聯絡田樸珺？）冇！不過唔講喇！唔係同大家交代，係我同老婆嘅事，再亂寫就要尋求法律意見。（行動證恩愛？）唔係，之前唔喺香港三個星期，就算冇呢件事，都同君如日日通電話。」對於有傳君如介紹高人苗師傅予張智霖並教他掃平樓，君如笑說：「係咩？不如叫佢介紹番畀我！」

君如與陳可辛面帶笑容合照，力證感情不變。

此外，昨日有網站錯誤報道Peter會向田樸珺採取法律行動，Peter即透過公司「我們製作」的微博表示不滿：「已由娛樂報道，上升到對導演及君如名譽之侵犯、感情生活之侮辱，我們只能交由律師來處理。」