方大同入行8年，即將首度於紅館開演唱會！大同昨日在記者會上預告會請緋聞女友薛凱琪（Fiona）擔任嘉賓，提到「升呢」開紅館騷，歌酬自然有所提升，他即「耍太極」表示交由母親處理。

出道8年的大同將於紅館開騷，歌迷定必相當興奮！

方大同不避嫌邀請緋聞女友Fiona擔任個唱嘉賓。

大同（右）獲主辦商送上復古金咪，預祝他演出成功。

大同首個紅館處男個唱《方大同Soulboy Lights Up世界巡迴演唱會－香港站》，將於11月30日及12月1日於紅館舉行。昨日，大同出席個唱記者會時，獲主辦商送上一支復古金咪，而他所屬的唱片公司金牌大風亦預祝大同於美、澳、歐、亞四大洲舉行共20場巡迴演唱成功。大同向主辦機構致謝時相當甩漏，他事後透露因忙於籌備個唱及新碟工作而分心，並指於紅館開騷令他倍感緊張。

提歌酬即耍太極

問到會否邀請緋聞女友薛凱琪（Fiona）擔任嘉賓？他說：「點都會，佢都知我開騷。不過嗰段時間佢要拍戲，都要睇佢檔期。」提到「升呢」到紅館開騷，歌酬有否跟住升？他即大耍太極說：「我唔係完全了解價錢嘅嘢，呢啲係阿媽去處理。」此外，提到紅館不可只「企定定」演唱，會否考慮跳舞？他笑說：「會郁嘅！（由台嘅左邊行到右邊？）會做啲新嘅事情，之前已經喺台灣拍咗啲片，會放喺個唱度用。」問到可有信心開20場世界巡迴騷？他說：「如果可以梗係好啦！始終未試過走咁多場。」至於他曾揚言不適合於紅館開騷？他解釋因當年認為未是時候，一切要配合天時、地利及人和。