內地花旦周迅早前分別與謝霆鋒及梁朝偉傳緋聞後，被內地傳媒拍到與製作人兼林憶蓮舊愛陳輝虹在北京歎越南菜。據說二人在餐廳逗留個多小時後並肩離開，素顏的周迅打扮隨意，兩邊面頰更長滿暗瘡。心情大靚的她與陳輝虹邊行邊講笑，又不時手舞足蹈，發現記者更大方向鏡頭做出搞鬼動作。最後兩人各自離開，周迅登上保母車回家，陳輝虹則自行搭車離去。

陳輝虹接受本報訪問時表示與周迅相識多年，近日更首次合作，但家有愛妻音樂才女黃丹儀的他，完全無懼緋聞：「絕對唔會有緋聞，我有家室，唔好亂估！我哋識咗好耐，近排同佢工作室第一次喺電影同音樂上合作，嗰日朝早開完會，下晝就順便食飯。」提到周迅滿面痘痘，他替好友解釋：「佢近期做緊皮膚護理啫！」