前晚《喜愛夜蒲3》演員拍攝時，得知美國樂壇天后Rihanna同樣現身蘭桂坊，即拉大隊「朝聖」，包括何佩瑜（Jeana）、何浩文（Dominic）及伍詠薇等，連冇份拍攝的松岡李那亦聞風而至。Jeana事後接受電話訪問時說：「其實我哋喺夜店拍戲，知佢嚟梗係要朝聖啦！我下午五點已經收工，等到佢夜晚十二點先見到，但最終佢只係現身三分鐘，我都影唔到合照。」問到會感到失望？她不忿地說：「等咁耐見到都開心，但佢態度真係好敷衍，我都好冇癮！」

低胸Jeana邊行邊抽裙，與Dominic及許亦妮等朝拜Rihanna。